Një autobus i cili transportonte shqiptarë është sekuestruar në Firence të Italisë, pasi kishte parregullsi në dokumentacion.
Mediat e huaja bëjnë me dije se autoritetet kanë zbuluar plot mallra kontrabandë, të cilat mesa duket ishin porosi për në vendlindje.
“Pas kontrolleve të mëvonshme, në bord u gjet një sasi e madhe bagazhesh që nuk i përkisnin pasagjerëve dhe zarfe të mbyllura me shirit me veshje dhe çanta lëkure të markave të famshme. Shoferi nuk mundi të tregonte asnjë dokument që vërtetonte origjinën e tij dhe u thirr Guardia di Finanza, e cila dërgoi personelin për të verifikuar kompetencën e tyre”, raporton Citta di Firenze.
Nga ana tjetër, shoferi i autobusit është gjobitur me 1,400 euro për parregullsi me mallrat si dhe 480 euro për parregullsi në dokumentet e transportit. Ndërsa autobusi u sekuesturua deri në plotësimin e dokumenteve dhe pagesën e gjobës.
Sakaq, udhëtarët janë detyruar të gjejnë metoda të tjera për t’u shpërngulur ne destinacion dhe për t’u kthyer në vendlindje.
